LOCARNUM

LOCARNUM

Ital. Locarno, an quasi locus carnium, Germ. Luggaris. Opp. est amoenum et elegans In subriae, in plano situm, inter radices montis altissimi, et Verbani lacûs ripam: amplum fatis, utpote in quo fam. 500. numerantur, inter quas plurimae nobiles. Habuit olim arcem munitissimam, cui secundae in Insubribus a Mediolanensitributae: fuitque sedes quondam Ruscarum Comitum praecipua. Tenuêrunt arcem Galli, ab A. C. 1499. usque ad A. C. 1513. pulsis Comitibus. in qua palatium, adhuc intactum, domusnunc Praefecti Helvetici. Portus intra arcis muros egregius est, in quo naves olim armatae servabantur: anguli eius quatuortot turribus munitierant: sed diruta postea tota arx. praeter palatium, ut dictum ab Helveriis. A. C. 1531. Vide Franc. Guicciatdin. Hist. l. 5. 1. 11. et l. 12. Ditio circum iacens, Ducum Mediolanensium tempore, unus erat Comitatus, praeter Locarnensem Praefecturam, qualis hodie est Brisagum opp. illudque, cui Madianus praefectus praeest, comprehendens: sub Comitibus, ut supra, Ruscae; quos nobiles Comenses erant, magnae olim auctoritatis. Hiurbe etiam Como potiti quondam, illam postea Duci Mediolanensi restituêrunt, A. C. 1416. Sequentibus tempp. Comitatus divisus, et Madia vallis a Locarnensi ditione seiuncta est. Parochias praefectura continet plures viginti. Ager vini generosi ferax est, de cuius colendi rationevide Simler. de Rep. Helv. Frugum insuper fecundus, vicecuplum non raro reddit. Bis in Anno messis, in montibus vallibusqueve carnes optimae, larices et abietes laudatissimae, castanearum uber proventus, ficusnobiles, piscium, truttarum inprimis, insignis captura. Mercatus Locarni altero quoque Iovis die

frequentissimus et celeberrimusest. Universus pop. in tres classes divisus est, Nobiles, Cives antiquos, quos Burgenses nuncupant, et recentiores. Nobilium familiae quatuor, Aureliana, Mutalta, Magoriana et Dunorum, ceteris antiquior, etc. Pervenit Locarnum, cum tribus reliquis Praefectnris Italicis ad Helvetios ex dono Maximiliani Sfortiae Ducis Mediol. A. C. 1512. qui proin omnes, exceptis Abbatiscellanis, huc, altero quoque Anno finito, perfectos mittunt: qui Commissarii vocantur. Hic magistratus merum im perium habet, summamque potestatem in sontes animadvertendi; ad ius autem dicendum non admittitur, nisi prius sollenni iura mento populi leges et instituta, quae Statuta vocant, se ser vaturum promiserit, Idem. Ex opp. hoc etiam oriundi sunt exules Locarnanses, qui, ob religionem Euangelicam, quae ab A. C. 1542. usque ad A. C. 1554. in magna civium parte, qui illam ex libris hauserant, vigebar, circa A. C. 1550. in exilium missi, Tiguri imprimis sedem fixêrunt: de quibus vide eund. Simler. de Rep. Helv. et supra in Locarnensis Praef. Ad Locarnensem praefecturam. pertinent etiam Brisagum opp. ut dictum, ad Verbani lacûs ripam in sinibus totius Helveticidominii, 4. mill. pass. a Locarno: Item vallis Verzascha ad Ort. ut et Gambaronium, ad Verbani litus Mer. Sed habentloca haec suos Subpraefectos, quos Potestates vocant, qui causas civiles deiudicant: et hoc quidem sibi e suis, proarbitrio, vallis Verzascha et Gambaronium praeponunt: sed Brisagi pop. praesectum e nobili fam. Aureliana, quae Locarni est, altero quoque Anno sibi eligere necesse habent, lidem.